Photo Quiz

أيّا سيدي أهْ، شكون ينجّم يطلّع إسم البلاد هاذي إلّي عبادها ما يحقروش لوغتهم وما يسمّيوهاش 'لهجة' و يستعملوها عالبلايك الكل بالخط العْريض مع الأنڨليز؟ و(وزيد يستعملوا حرف ال'ڨ' التونسي متاعنا الأصيل!)ل

هاي النسا ش تعمل

في جمعة واحدة تلاثة نسا توانسة أحرزوا على نتائج جِدّ مشرّفة وميداليات في تظاهرات رياضية عالمية هامّة
:..
حبيبة غريبي في عدو الموانع، بطولة العالم لألعاب القوى- برلين
.
هدى ميلاد في بطولة العالم للجودو- روتردام
.
زميلتنا المدوّنة لينا بن مهني في بطولة العالم لرياضة المنتفعين بزرع الأعضاء- أستراليا
...
برافو وخمسة وخميس عليكم بنات بلادي وان شا الله ديما هكّا منوّرينا وهازّين الدرابّو

Couple présidentiel du 26 octobre 2009?

Seul l'avenir le dira. En tout cas la course est déjà bien entamée..


[daylife.com]

Photo Quiz آش كونو؟

العُروبة تحت المِجهر

عندي واحد صاحبي في تونس ينتمي لحزب سياسي معارض...أمّا قانوني (أوف انجّم نواصل التدوينة..غصرة واتعدّات هههه). عادَا بالنسبة ليه حكاية ' الهُوية العَرَبية' ..مانعرشّ كيفاش نفسّرلكم..معناها تنجّم تُنكُر كُرَويّة الأرض في حضورو ويسمعك ويحكي معاك أمّا صعيب ياسر تنقد فكرة الإنتماء لل'وطن العَربي' ولاّ تجادل فيها معاه. قلت عاد خلّيني نستجرى نفرّك هالرّمانة متاع العُروبة إلّي لْطخْها علينا حاكِم مصر توّة خمسين سنا ونشوف منين جا الغرام بيها
.

في الحقيقة أنا وصلت في فترة من حياتي نامّن بالمنجدّ إلّي هويتي عَربية ومستغرب كيفاش ماعملناش دولة عُظمى من المحيط إلى الخليج تنافس الغرب المتقدّم..وهذا شيْ يدُلّ أوّلا على سذاجتي وقلّة خبرتي في الدِنيا..وثانيا يدل على نجاح السياسات والخطابات الشُمولية إلّي تكوّنت في المنطقة بعد الّي تسمى 'الاستقلال' وكبر معاها الجيل متاعي (وهنا نتذكّر واحد صاحبي آخر اقترح ما عادش نحتفلوا بعشرين مارس خاطرو ما عندو حتى معنى في تاريخنا الطويل- وأنا موافقو). قلت مالا السياسات هاذم كان الهدف منها الحفاظ على مصالح الأطراف الّي استحوذت على السلطة من غير انتخابات بعد 'خروج' المستعمر الأوروبي وتفرضت من خلالها فكرة الشرعية 'التاريخية' إلي حكى عليها ماني هنا. الشي هذا صار في جُلّ البلدان الناطقة بالعربية

..
الناطقة بالعربية. موش العربية. على خاطر موش العباد الكل في المنطقة إلّي جينا فيها إثنيا عرب ولوْ برشة منهم يتكلّموا الفُصحى كلوغة ثانية و ثالثة..وفي الحقيقة العرب أقليّة في شمال افريقيا بربرية الطبع والتقليد ولِذا مافمّاش علاش يتقمع الحضور الأمازيغي والأسْود في المنطقة بحُجّة سُمُوّ العِرق العربي و اللّوغة الفُصحى. التهميش يزيد يشجّع العباد على التعبير عن ذاتهم موش العكس وهذا حق إنساني بديهي..وهاكا علاش اليوم أغلبية المدوّنين التوانسة يِكتبوا بالدارجة في قطيعة تامّة مع أسلوب الخطاب في الصحافة الرسمية و نلقاو زادة صفحة ويكيبيديا لكل بلاد شمال إفريقية، بما فيهم تونس، بلسان القبايل. تي حتى مصر، إلّي أعلنت روحها 'أهم دولة في المنطقة والناطقة الرسمية باُسم العرب' مانعرفش بآنا حق وعلى آنا أساس، الناس فيها بداو يفيقوا على وضعهم. مثلا نلقاو عندهم ويكيبيديا بالمصري والروايات إلّي خارجين جدُد مكتوبين بالمصري زادة على خاطرها لوغة قايمة الذات بصرفها ونحوها، كيما لوغتنا التونسية. الاعتراف بالخصوصية والإحتفال بيها حاجة هايلة وهذاكا مصدر القوّة الحقاني
.
مخ الهدرة؟ أربعة حاجات: العُروبة فكرة سياسية حياتها قصيرة على خاطرها مبنية على مصالح شخصية موش على طموح مُشتَرَك; الفُصحى لوغة نخبوية استخدموها جماعة السياسة في كل بلاد في المنطقة لتغريب الشعوب عن قضاياهم الحقانين; صهر الثقافات وقمعها يزيد يقوّي الاختلاف ما يُلغيهش; و الشُمولية فكرة عنصرية يلزم نقاوموها بجميع الوسايل. إلّي تفكّروا بالمبادئ البسيطة هاذم مالمناصرين لفكرة العُروبة يتغشّش و يقللك إنتي تحب تخلق بلبلة و انقسام في المنطقة وتخلّينا فريسة ساهلة للإمبريالية متاع الغرب هههه. تقول عليه الديسكور المهيمِن متاع العُروبة و اُحاديّة الهويّة ماهوش هو بيدو قِمّة الإمبريالية

Islam entre fond et forme

Je me permets d’emprunter la jolie métaphore de MedChekib et de faire suite a la réflexion de DramaR pour parler de la crise que traversent actuellement les sociétés musulmanes. Je ne sais pas comment la qualifier; est-elle intellectuelle? culturelle? identitaire? symptômatique d'un échec post-colonial? tout ça a la fois?

Toujours est-il que, être musulman, aujourd’hui, c’est surtout le monter et le démontrer. Les gens éprouvent le besoin d’afficher leur religiosité ainsi que la ‘rigueur’ de leur pratique quotidienne pour gagner une certaine réputation de personnage pieux et (donc) au dessus de tous soupçons. Alors vous avez : la bonne dame qui organise son petit cercle de dhekr dans le cadre d’une 3echwiya, le contact facebook qui vous balance tous les matins une dizaine de vidéos ‘ayna anta menhou’ ou 'onshorha wa lakal ajr'; l’autre qui affiche sa photo entrain de faire la prière ou de sortir de la Mecque; le bloggeur qui prend la peine d’organiser une journée ‘nosratann lil islem’…bref, dans notre pays le ridicule n’a pas de limite.

Notre société est hypocrite, comme toutes les autres d’ailleurs. Vivre en société c’est surtout jouer un rôle et c’est ‘normal et naturel’ vous dira n’importe quel sociologue. Mais là où ça devient grave, c’est lorsqu’une catégorie de personnes décide des règles de ce jeu de rôles et les impose aux autres. C’est notamment le cas de tous ces gourous du golfe actuellement a la mode et qui contrôlent tout un réseau de chaînes satellitaires et de contacts gouvernementaux, commerciaux et bancaires. Avez-vous déjà entendu parler d'une fatwa turque, azérie, malaisienne, indienne, ou même tunisienne tiens ? Non. Le fric ne se trouve pas dans ces pays là.

C’est à cause de ces personnes et de la puissance qu'ils ont fini par acquérir que le culte musulman est devenu totalement vide de sens. Il se limite désormais à la forme, enfin, à UNE forme décidée par ces énergumènes. Le fond, la spiritualité qui est l’ingrédient primaire de toute religion est une notion tout à fait étrangère aux musulmans d’aujourd’hui. Ils vivent souvent avec un sentiment de culpabilité ; la culpabilité de ne pas correspondre au schéma de vie prescrit par ces charlatans et leurs suiveurs. La culpabilité de répondre à des besoins biologiques de base. Et je ne parle même pas de l’état des non-musulmans qui eux n’ont pas le droit d’exister dans le monde de ces faux-puritains. Enfin si, pourvu qu’ils ne se manifestent pas.

Evidemment le fait que la critique soit totalement occultée de notre système d’éducation n’aide pas beaucoup à faire face a ces discours hégémoniques. La philo, ainsi que toutes les matières dites ‘littéraires’ sont complètement opprimées dans notre éducation au profit des sciences dites 'exactes'. Or, en fin de compte nous n’avons acquis ni la science ni sa critique.

Coup de blues

Il est vrai que notre société passe par une période creuse; le vide intellectuel est hallucinant… les gens sont particulièrement agressifs dans leurs réactions.. la notion d’échange n’existe plus… des gourous venus d'ailleurs font la loi, chez nous.

Dès qu’on exprime une opinion quelconque (sur internet ou ailleurs), on est systématiquement harcelé, jugé, lynché, et il y en a qui se voient même menacés de représailles. Je trouve cette atmosphère particulièrement lourde et ca ne m’amuse pas du tout de faire l’objet d’un procès d’intention ni de voir des gens subir ce type de réactions primaires. Je suis certain qu’il y a beaucoup de personnes qui partagent cet avis.

L’absence de critique, d’autocritique, de mouvements sociaux..féministes, nationalistes, réformistes, provocateurs... l’absence d’art..l'absence de vision pour l'avenir..tout ca est très dangereux. Aucun pays ne peut évoluer sans ces choses.

Avez-vous regardé le reportage sur l'ambition des jeunes tunisiens? ce n'est vraiment pas avec ce genre de personnes qu'on pourra avancer.

Je ne sais pas ce qui se passe ; enfin si.. je sais.. mais j’ai envie de faire comme si je n’avais rien compris…histoire de ne pas déprimer.

آمال.. و تصويرتها..والقرضاوي

.آمال.. بش نحل قوس في ما يخص الفورمة: أوّلا موش لازم تأستذني- أنا مازلت طالب وأرجعلي بعد تلاثين سنا كان عشنا وشوف وشوف كان ولّيت أستاذ. ثانيا ما نظاهرليش إنتِ عندك صلاحية التعليق على السيرة الذاتية متاعي. تعرفني؟ قريت معايا؟ قرّيتني؟ امتحنتني؟ تعرفني فاش نقرى من أساسو؟ إذا كانت إجابتك على أحد هذه الأسئلة أو كلها ب'لا' فمن فضلك اقتصر على محتوى الفكرة إلّي عبّرت عليها و موش لازم تربطها بالبيوغرافيا متاعي. على خاطر فمّة شكون أحقّ و أدرى منّك بالتقييم

باهي نجيو للمحتوى- إذا كان فمّة ما يتحكى من أساسو إجابة على تدوينتك. أنا نتمنّى إلّي الناس إلي صوّتولك تكون كونتواتهم وهمية كيما نتصوّر ماكانش بالحق شي يفجع. فكّرتني في محاكم السَّحَرة إلي كانت تتنصب في أوروبا القرون الوسطى والحُجج الآبسورد متاعها. خاصة التصويرة إلي حطيتها. واللهِ العظيم نحشم نورّيها لواحد عُمرو أربعة سنين موش نحاجج بيها الكبار. آمال، بجدّك ولاّ تفدلك؟؟ هاكي الأرض؟ هاكي الشمس؟ فمّة طيارة في الدنيا تخرج مالآتموسفير وتوصل تعمل تونجونت مع الأرض؟ علاه أختي إنتي والقرضاوي تسافروا في صاروخ ولاّ ساتليت ههههه

الحاجات هاذم بديهيين برشة و مافيهم حتى اختصاص. وهاو قدّامك شيما أقرب للواقع: أرضك أصغر بياسر مالشمس وطيّارتك إلي تطير في القطب الجنوبي باتجاه قطر ههه نكتة مرتفعة دوبلاش عالأرض. والارتفاع، نعاود ونقول للّي يسمع في الشعوذة، ما يهمّش. المهم الموسيون متاع الأرض في وقت معيّن. حق من حقوقك أنّك تكون فان متاع القرضاوي- ربي يهنّي سْعيد بسّعيدة. أمّا عالأقل استتر قال الراجل

فتوى

ِيوسف القرضاوي، الأب الروحي إلي كنت حكيت عليه هنا متاع قناة الجزيرة إلي كنت حكيت عليها هنا طلع بفتوى تعمل ستة وستّين كيف

قاللك يا سيدي: إلّي صايم و راكب في طيّارة يلزموا ما يُفطر إلاّ ما يرى بعينو إلّي الشمس غابت. آه آكاهوْ! ما يهمّش الطيارة ماشية للغرب ولاّ للشرق، مايهمّش واحد مسافر من قَطَر متاعو للبرازيل ممكن ما تغرّبش عليه جِملة الشمس، ما يهمّش الأرض مدوّرة واتدور موش الشمس طالعة هابطة عليها هههه، ما يهمّش المُسافر مُعفى مالصيام في كل المذاهب حتى عند طالبان ههه..قاللك كل شي يعتمد على قداش ارتفاعك عالقاع فقط، وإلي اللوطة يفطر قبل. فهمتوا توّة علاش إلي يعيشوا في ناطحات سحاب يشقّوا الفطر بالطاق بالطاق؟ من اللوطة وإنتي طالع هههه؟

.

المشكلة إلّي الدجّالين هاذم عندهم جمهور واسع يعطيهم وذنو. في رقعة مالعالم فيها ميات مليون اُمّي ما عندك ما تستنى مالأجوبة غير جازاك الله خيرا شيخنا الفضيل وعالمنا الجليل. العالم الجليل هذا إلّي ما كفّاهش يدجّل عالعباد قاصص فورست كلاس زادة يا بمبك..محلاه الزُهد والاعتكاف أهْ؟

هذا بيدو إلّي قال علينا دولة علمانية متطرفة يا جماعة..ورغم هذا جبناه وخلّصنا عليه من ضرايبنا و عملنالوا تكريم. ملا حالة مزرية وصلنالها في هالبلاد وبرّه

خريطة

موقع أورث سناب شوت بالنسبة ليّا كي الماناج للصغار، نلقى فيه سعادتي! عندي غرام كبير ياسر بالخرايط بأنواعهم الكل- مناخية، جيولوجية، إثنية، سياسية..وإلا هاذم الكل مع بعضهم.
.
أمّا الخريطة هاذي حقيقةً رايعة- ديناميكية السحاب و فورمة البلاد عطاوها بُعد آخر.. يتجاوز مجرّد كونها تصويرة جامدة مالساتليت

شكون يحب فمّ 'شوربة ماجي بلحم الضأن '؟

ِجريدة الصباح تحقر اللسان التونسي، هاذي حاجة معروفة ومستانسين بيها. كل مرّة تصادف 'يغلط' صحافي و يحطّ جملة تونسية في مقال، لازم يعلّقلها ظفريْن و يعقّب عليها بجملة إزدرائية كيما: ''وكما يقول البعض بالعامّية'' و إلاّ 'كما يحلو للبعض تسميتها'. تقول عليه الشعب التونسي مستانس يتخاطب بالفُقهي وال'بعض' من أفرادو يستعملوا كلمات دَخيلة و هامشية من جهلهم و ضلالهم .
..
باهي ياسيدي ماعليناش- نفرضوا الناس الكل تتكلّم الفصحى في بلادنا و إلّي الدارجة لوغة دَخيلة ينبغي التصدّي ليها و للناطقين بيها.
..
علاش توّة أختي العزيزة تسمّيلي في الماكلة بآسامي غريبة عالفُصحى نفسها؟ في بالي الشربة تتسمّى ''حساء'' موش شوربة. وشنيّة غريوز هاذي إلّي ما لقيتها في حتى معجم؟ و ماكارونة و تين مجفف وزيادة في نسبة الجليريسدات وفوضى؟؟؟ توّة بربي آش فيها لو كان تقول شربة بالعلّوش و كرموس شايح و مقرونة و سُكُّر في الدم؟ كلام سوقي هذا ما يتكتبش في الجرايد؟
....
ريناكم تقمعوا في الدارجة لصالح الفُصحى قلنا داكوردو وسكتنا، آما ماتجيوش توّة تفرضوا علينا التسميات متاع الشرق وقتلّي هوما نفسهم عامّيات (ماكم زعام تحكيو من منطلق هذا عامّي وهذا فصيح؟). تحب تكتب عالغريوز والشوربة يعيّش أختي برّه اِكتِب عليهم في البلدان إلّي تعرفهم و اتطيّبهم أحنا هنا عنّا كوجينتنا و كلامنا

منتوج تونسي

ساعتين البارح نتناقش مع أصحاب أنقليز على أخلاقيات التخصيب وجيبان طُزّينة صغار فرد مرّة..آه إمّالا كيفاه، بعد إلّي هبط آرتيكل في الڨارديان على الڨفصية الحبلى بأثناش... هوما يقولولي موش باهي و يلزم إختيار زوز أجنّة ماكسيموم ماللّول وأنا نتبالط و نقول لا، الطب التونسي متفوّق وعطى كل جنين الحق في فرصة لتكميل التسعة اُشهرة خاصّة أنّهم الأم والبو موافقين وصحّة الأم تسمح. تي ماني هذا شنوّا قريت في صحافتنا التحفونة

..
هاو يظهر فيها الحكاية بش تطلع جرد إشاعة أخرى مالإشاعات إلّي نتفننوا في تخريجها في هالبلاد. أمّا كان قبل كنّا نخلّيو فضايحنا بيناتنا هانا توّة ولّينا نصدّروا فيهم للخارج

...

وين نخبّي وجهي وين؟؟؟

In the same boat

I've just got an email from an Indian friend which ended with the following:

"Life's going on and one realises India is changing in so many ways and very fast. Wonder sometimes where we will be headed. I just hope we keep our sense of politics and values".

Doesn't it strike you that the exact same thoughts apply to Tunisia too?? The observation that things are moving fast, the feeling that no one knows where we're actually going, the impression that we're losing part of ourselves along the way, and the fear of the kind of permanent damage the current political apathy can create. It's hard to turn a blind eye to those blatant realities.

عُنصُرية

صالح بركة مصمّم أزياء تونسي عندو موهبة كبيرة و قاعد يعمل في كاريير هايلة على خاطر تصاميمو تونسية صِرفة ومعمولة ببرشة ذوق. مثلا خرّج الفوطة مالإطار متاع الحمّام و رجّع سروال الجبّة للحياة و ردّهم لبسة صيفية متاع شباب. تنجّموا تشوفوا أمثلة من خدمتو هنا

سي صالح عندو صفحة فان عالفايسبوك كيف اطّلعت عليها لقيت روبريك متاع تمقعير إسمها شنوّة إلّي يعجبك و إلاّ ما يعجبكش في صالح بركة. عادا جات وحدة حطّت تعليق يقول 'كيف يوصْفن تحبّلوا ناس، اللطف وبرّه'. جاوبها هو بضمار ،وممكن شوية جدّ، قاللها: 'أختي وهي البلاد هاذي تخلّيك ما توصفنشي؟ قُلّي تره؟'. عجبني الجواب، و لو إنّي في بلاصتو ما نتصوّرش روحي نوسّع بالي برشة أمّا من حيني نرفع عليها قضية المرا هاذي على خاطرها عُنصُرية و تستحق شهيّرين حبس وخطيّة حسب رايي المتواضع- خلّيها تكون عِبرة لغيرها. حتى كاني تفدلك تفدليكها ماسط لاسط و راسيست ويلزموا يتعاقب

.
عندي حساسية كبيرة ياسر مالراسيزم وامّاليه. ما نعرفش من أنا معدن مصنوعين الناس هاذوما و إلا شنية نوعية التربية إلّي تلقّاوها بش يحكموا على إنسان من لون قشرتو. اُف ملاّ جهل

وينهم الفيمينيست؟

ما نعرفش عليكم أمّا أنا ما نراهاش حاجة مقبولة بالكل أنّو عُضوة في مجلس النوّاب التونسي متاع ألفين و تسعة تصرّح إلّي: "لا يمكن للمرأة أن تحمل حقيبة وزارة الداخلية لأن الرجل قادر في المواقف الصعبة والدقيقة". يعني، هي حُرّة في آراءها الشخصية ما قُلنا شيْ. أمّا كيف تتحدّث بصيفتها نايبة عالشعب التونسي وقتها تولّي ما عادش حُرّة- على خاطر أنا واحد مالناس الأفكار هاذم ما يمثّلونيش و نرفض حتى النقاش فيهم سِوى جاو من راجل أو من مرا. نحب نذكّر التوانسة إلي يختصروا حرية المرا في تنحية الخمار إلّي راهي السيدة النايبة ماتلبسش الزّي، يعني المسألة أعمق بياسر ماللبسة

للأسف كل نهار نزيد نتأكّد إلّي الفيمينيزم في البلاد هاذي مات مع كاهنة البربر. كل بلاد في الدنيا تحتاج لحركة نَسَوية سياسية و آكاديمية بش تتقدّم و في تونس ما عرفناش الشيْ هذا. إلّي تسمّى فيمينيزم في الستّينات كان مجرّد كلوب نخبوي يضم ثلة من قريبات الزوجة الراحلة للرئيس الراحل و حبيّباتها، بينما الفيمينيزم توّة ولّى يقتصر عالمسرح متاع جليلة بكّار و فاطمة بن سعيدان، الباقي الكل كلام في الهوا

.

وقتاش بش نفهوا إلّي حقوق المرا إلّي يتعطاو بطريقة أوتوقراطية رجالية ما ينجّموش ينهضوا بالمجتمع؟

تبديل سروج

تقبل أنّو نهار مالنهارات علم تونس يرجع كيما كان قبل جيّان الأتراك؟

.

source